Mi höögt dat bannig, dat se sick för de Gemeende Butjarland interesseert un ick verklaar geern, wat dat mit use Gemeende op sick hett.

Op use Internet-Sieten tellt wi för use Gäste un för de Butjenter op, wat’n allens öwer de gröne Halfinsel wäten schull. Hier steiht, wat sick Nee’s dahn hett, wer wat in’t Rathuus maken deiht, woveel Vereene dat hier gifft un ok, wennehr de Müllwagens föhren doht. Ok to de Butjenter Geschichte is hier allerhand natoläsen.

Dormit de Sieten ok gau oproopen werden könnt, hefft wi Teknungen meist wechlaten. Dat schall jo woll gefallen. Wenn Se us wat to seggen hefft, denn is ok dat öwer dat Internet möglich. Dat heht dann E-Mail.

Ick wünsch veel Plaiseer bi dat Seilen dör dat Internet un wurrd mi freun, wenn wi Se ok is mal to Besöök in Butjarland begröten kunnen. Wo wi hölpen könnt in’t Rathuus doht wi dat geern. Hefft Se man kien Bang.

 

 

-